qarmaqshy-tany.kz Биыл өз ұлтының жарқын болашағы үшін күрескен тарихи тұлға, білікті басшы, шебер ұйымдастырушы, мемлекет және қоғам қайраткері Темірбек Қараұлы Жүргеновтың туылғанына 125 жыл. Осы орайда айтулы күн қарсаңында Қармақшы аудандық тарихи-өлкетану музейінің ұйымдастыруымен "Қазақ даласының ұлтжанды тұлғасы – Темірбек Жүргенов" тақырыбында танымдық сағат өткізілді.

Т.Жүргеновтың тарихи тұлғасы мен қайраткерлік қарымын танытып, тағылымға толы өнегелі ғұмырын кейінгі ұрпаққа кеңінен таныту, Сыр саңлағының еңбектерін насихаттау, білім және мәдениет саласындағы еңбегінің маңыздылығын көрсету мақсатында ұйымдастырылған танымдық сағат №105 мектеп-лицейінің оқушыларына өткізілді. Сабақ барысында Жүргеновтың өмір тарихы, қайраткерлік жолы, тәуелсіздік үшін жасаған ерен еңбегі, шығармалары кеңінен талқыланды.