qarmaqshy-tany.kz Балалардың жолдағы қауіпсіздігі өте маңызды және өзекті мәселе. Ауданымызда 2023 жылдың наурыз айының 27-мен сәуір айының 10-ы күндері аралығында өткізіліп жатқан «Балалардың жолдағы қауіпсіздігі» акциясы аясында Қармақшы АПб-нің жергілікті полиция қызметі бөлімшесінің Ювеналды полиция тобының кәмелетке толмағандар істері жөніндегі учаскелік полиция инспекторы полиция капитаны Абдрахманов Рақымжан Абдрахманұлы бастауыш сынып оқушыларымен кездесіп, жол қозғалысы ережелерімен таныстырды. Кездесу барысында оқушылар өз ойларындағы сұрақтарын қойып, тұшымды жауаптарын алды. Полиция капитаны Рақымжан Абдрахманұлы балалардың қатысуымен болатын жазатайым оқиғалар көптеп болатынын, жол тораптарында абай болу керектігін, жол бойларына жақын жерлерде ойнамау керектігін түсіндіріп берді.