qarmaqshy-tany.kz Қазақ халқы қыз тәрбиесіне әрдайым аса назар аударған. Қызға қырық үйден тыю салып, жүріс-тұрысын қадағалаған. Абай атамыз: «Ары бар, ақылы бар, ұяты бар ата-ананың қызынан қапы қалма» демекші, қыз бала тәрбиесі оның ата-анасына да байланысы бар екенін білдіріп тұрғандай. “Қызды жат жұрттық” деп қадірлеп, қашанда шаңырақ төрінен түсірмеген.

Бүгін Академик С.А.Джиенкулов Атындағы Байқоңыр жоғары колледжінде "Қыз тәрбиесі - ұлт тәрбиесі» тақырыбында қыздар жиналысы өтті. Жиналыстың негізгі мақсаты –қыз баланы ұқыптылыққа, тазалыққа, үлкенді және достарын сыйлауға, мектепте өзін – өзі ұстауға, қыздардың мінез тұрақтылығын қалыптастыра отырып инабаттылыққа, әдептілікке, ізет пен мәдениеттілікке тәрбиелеу, ерте жыныстық қатынас пен жүктіліктің алдын-алу жолдары және оның қандай қаупі бар екенін түсіндіру.

Жиналысқа Байқоңыр Қаласының Ауруханасы психологы З.Токеева, акушер гинеколог дәрігері С.Жақып, әлеуметтік қызметкер Г.Бажиева, колледж медбикесі М.Пошанова және ҚР ІІМ Байқоңыр қаласындағы өкілінің кәмелетке толмағандар істері жөніндегі полиция инспекторы М.Мурзагалиева, “Жастар ресурстық орталығы” КММ-сі Байқоңыр қалалық бөлімінің инспектор маманы А.Елдизерова қатысып, қыз бала тәрбиесі туралы ойларын, ақыл-кеңестерін ортаға салды.