«Жат қылықтардан аулақ бол!»

qarmaqshy-tany.kz С.Есқараев атындағы №27 орта мектебінде 5 "б" сынып жетекшісі Т.Тұрлыбеков «Жат қылықтардан аулақ бол!» тақырыбымен ашық тәрбие сағатын өткізді. Тәрбие сағатында мұғалім 5 кезеңнен тұратын жоспармен жұмыс жасады. «Сурет тайм» кезеңінде оқушылар үй тапсырмасы бойынша салып келген суреттерінің мазмұнын түсіндіріп өтті. Келесі «Ойын – жаттығу» кезеңінде оқушылар айтылған сөздің дұрыс – бұрыстығын қимылмен көрсетіп жаттығу жұмыстарын жасады. Келесі кезеңде оқушылар «Үш пәледен аулақ бол» тақырыбымен дайындап келген көріністерін көрсетті. Көрініс өте мағыналы, оқушылар өз рольдерін шебер ойнап шықты. Сынып жетекші оқушыларға әртүрлі пәндер бойынша сұрақтар жасырылған ұяшықтарды дайындап, оқушылардың білім – білік дағдыларын дамытуға жұмыс жасады. Ойын өте қызықты өткізілді.