"Дін және жастар" тақырыбымен конференция өтті
qarmaqshy-tany.kz С.Есқараев атындағы №27 орта мектебінде дінтану пәнінің мұғалімі Е.Жылқыбаев 9 сынып оқушылары арасында "Дін және жастар" тақырыбымен конференция өткізді. Конференция барысында оқушылар діни бағыттар туралы өздері дайындап келген мәліметтерін ортаға салып, өзара пікір алмасты. Мұғалім оқушылардың дін жайлы білімдерін пысықтау мақсатында зымыран сұрақтар қойып, дін туралы мақал - мәтелдер айтып жарыстырды. Теріс ағымдағы дінге еріп адасқан адамдар туралы бейнероликтер көрсетіп, теріс бағыттан сақ болуға насихат жұмыстарын жүргізді.
