Қазақстандықтар көбінесе техника мен аяқ киім таңдаған кезде әртүрлі мәселелермен бетпе-бет келеді. «Адал» тұтынушылар құқығын қорғау қоғамына өтініш беру саны 10 жылда жылына 300-ден 15-ке дейін төмендеді. Бұл туралы ұйым президенті Артық Сейтқалиева мәлімдеді, деп хабарлайды Baq.kz ақпарат агенттігі LS сайтына сілтеме жасап.Қоғамдық ұйым басшысы бұл көрсеткішті қазақстандық тұтынушылардың құқығы сирек бұзылатындығымен емес, олардың сауаты өскенімен байланыстырады. Оның айтуынша, сауданың әркім біле бермейтін қыр-сыры бар, саудагерлер соны пайдаланады.Кейде осыған ұқсас қиындықтардың туындауына тұтынушылардың өздері кінәлі болып жатады.

«Тұтынушылар тауарды сатып алған кезде оның ақауы бар-жоғын дұрыстап қарап алмайды, ал арада біраз уақыт өтіп кеткеннен кейін оны дәлелдеу қиынға соғады», - деп түсіндірді ол.

Сондай-ақ, қазақстандықтар жиһаз сапасы мен аяқ киім сапасына жиі шағымданады. Тұтынушылар жиһаздың да кепілдік мерзімі болатынын естерінде ұстауы керек. Диван, төсек-орын, орындықтардың кепілдік мерзімі 24 ай, ал корпустық жиһаздың кепілдік мерзімі 18 ай болса, аяқ киімнің кепілдік мерзімі 30 күн.
Барлық жағдайда тауарды сатушыға беріп, ашасын қайтарып алу үшін алған затыңызда бастапқыда ақаулы болуы керек. Сатып алған затыңызды мүлде қолданбаған жағдайда ғана басқа тауармен алмастырып алуға құқылысыз. Сейтқалиеваның айтуынша, қазіргі уақытта сатушылар сатып алушымен өзара түсіністік тауып, келісімге келуге тырысады.