"Кішкентай ақылды балапан" ертегісі сахналанды

qarmaqshy-tany.kz Т.Көмекбаев атындағы №250 мектеп-лицейінде "Баспалдағы білімнің-бастауыштан басталған" тақырыбында өтіп жатқан бастауыш сынып апталығы аясында 2 "Д" сынып жетекшісі Әбдірахманова Ақмаралдың ұйымдастыруымен "Кішкентай ақылды балапан" ертегісінің қойылымы өткізілді.

Қойылым барысында оқушылар ертегі кейіпкерлерін жақсы сомдап, өз рөлдерін жақсы алып шықты.

Жалпы қазақ халқының ертегілері мейірімділікке, адалдыққа, əділеттікке, еңбексүйгіштікке, тазалыққа, достыққа, ерлікке, əдептілікке үйретеді. Жамандықтан, қулықтан, өтіріктен, зұлымдықтан аулақ болуға тəрбиелейді. Əрдайым татулық, бірлік, ынтымақ жеңетінін көрсетеді.

Сондықтан ертегі – балалардың рухани өмірінің айырылмас досы. Халықтың ауыз əдебиетінің тəрбиелік мəні күшті болуы да сонда.