Баспалдағы білімнің - бастауыштан басталған

qarmaqshy-tany.kz Білімнің сара жолы мектептен басталады, ал білімнің алғаш есігін ашатын кілті – бастауыш екенін барлығымыз білеміз. Ең алғаш әріп танып, оқуға, санауға, есептеуге үйреніп, білімге деген құмарлығымызды бастауыштан бастаймыз.

Осы орайда бүгін Т.Көмекбаев атындағы №250 мектеп-лицейінде бастауыш сыныптар әдістемелік бірлестігінің ұйымдастыруымен «Баспалдағы білімнің-бастауыштан басталған» атты апталықтың ашылу салтанаты өтті. Апталық 23.01-31.01 қаңтар аралығына жоспарланды.

Апталықтың мақсаты: Жаңартылған білім беру жағдайында инновациялық ақпараттық технологияларды пайдалана отырып, оқушылардың сыни ойлау қабілеттерін дамыту, оқу үдерісін жетілдірумен қатар, баланың шығармашылық, жас және жеке ерекшеліктерін ескере отырып, рухани-адамгершілік, эмоционалдық және көңіл-күйлерін дамыта отырып, алған білімдерін өмірде қолдануға баулу.

Сондай-ақ шара барысында мұғалімдер мен оқушылар апталық аясында өткізілетін іс-шаралар мен ашық сабақтар жоспарымен таныстырылды.

Мектеп директоры Гүлжахан Жұмағалиқызы бірлестік мүшелері мен оқушыларға сәттілік тілеп, жоспарланған шараларға белсенді араласуға шақырды.