Пәндер апталығы болып өтті
qarmaqshy-tany.kz Қармақшы ауданы, Тұрмағамбет ауылы «Тұрмағамбет Ізтілеуов атындағы №29 орта мектебі» коммуналдық мемлекеттік мекемесінде 21 қараша мен 25 қараша күндері аралығында математика, информатика және физика пәндерінің апталығы болып өтті.
Апталықтың мақсаты:
- Оқушылардың математика, информатика және физика пәндерінен алған білімдерін жинақтап ортаға салу;
- Білімге деген құштарлығын арттыру, қызықтыру арқылы білімін тереңдету;
- Интеллектуалдық қабілеттерін, бір-бірінің пікірін, ойын тыңдау арқылы сөйлеуге дағдыландыру;
- Бір - бірімен ой бөлісіп, бағалауға, топтық ережелерді сақтай отырып жұмыс жасауға тәрбиелеу.
Осы апталық барысында 5 – 11 сынып оқушылар арасында математика, информатика және физика пәндерінен интеллектуалды сайыстар, ашық сабақтар, танымдық сабақтар, үйірме сабақтары болып өтті.
Оқушылар осы аталған апталықта алған білімдерін жинақтап ортаға салды. Білімге деген құштарлығын арттыра отырып, бір – бірімен ой бөлісіп, бағалауға, топтық ережелерді сақтай отырып жұмыс жасалды. Математика, информатика және физика пәндерінен ортаға терең ой сала отырып, өздерінің ықыластарымен белсене қатысты.
