qarmaqshy-tany.kz Ү.К.Томанов атындағы №183 орта мектебінің 6 «А» сынып оқушылары арасында «Оқуға құштар мектеп» жобасы аясында жоспарланған іс-шаралар негізінде 2022-2023 оқу жылының 18 қаңтар күні сынып жетекшісі А.Мадиярованың ұйымдастыруымен «Оқимыз, сахналаймыз!» тақырыбында «Қозы Көрпеш-Баян сұлу» эпостық жыры бойынша сахналап,қойылым көрсетілді.

«Қозы Көрпеш - Баян сұлу» эпостық жырының негізгі идеялық-мазмұны сол дәуірдегі жастардың сүйіп қосылуын арман еткен тілек-мүдделерді қамтиды. Әуелде поэманың идеялық бір сабағы жесір дауымен байланысты болғанға ұқсайды. «Жесір ерден кетсе де, елден кетпейді» деген пікірді де сабақтастырған. Кейін ол жақтары көмескіленіп, сүйіспеншілік мәселесі негізгі орын алып, оқиға тек сол тақырыптың айналасына ғана шоғырланып, басқа жайттар тек соны дәлелдеуге жарарлық дәрежеде қалған. эпостық жырды оқыған адамның мақсаттарына жете алмай, өмірден арманда өткен екі жасты аяйтыны да, олардың қосылуына көлденең тұрған Қарабай мен Қодарға қарғыс айтатындығы да сондықтан. Жырда айтыс, тұрмыс-салт жырлары: естірту, жоқтау, қоштасу, т.б. кеңінен қолданылады. Сыбанбай, Бекбау, Жанақ, Шөже, т.б. ақындар әр кезде дастан оқиғасын өздерінше жырлаған.