qarmaqshy-tany.kz «Т.Ізтілеуов атындағы №29 орта мектебі» коммуналдық мемлекеттік мекемесінде бейінді істер жөніндегі орынбасары Байқадамова Ләззат Тыныштықбайқызының жоспарына сәйкес, 11 сынып жетекшілерімен бірігіп 17 қаңтар күні «Жарқын жастық баянды болашақ» тақырыбында студенттермен кездесу кеші өткізілді. Кештің мақсаты: оқушыларды жоғары оқу орындарында белгілі бір мамандықта білім алып жатқан студент жастармен кездесе отырып, пікір алысуға, болашақ мамандығын таңдауда жүйелі көзқарас қалыптастыруға, кәсіби мамандыққа деген қызығушылығын арттыруға, сол жолда тиянақты да саналы білім деген ұмтылысты оятуға бағыт беру.

Кеш барысында Қарағанды индустриялдық университетінің, Алматыда «Қазақ Ұлттық аграрлық зерттеу» университетінің, Тараз өңірлік университетінің, Алматы энергетика байланыс университетінің студенттері келіп, «Менен сұрақ, сенен жауап» кезеңінде өз ойларын еркін бөлісіп, «Қазіргі заманғы жоғары білімі бар маманға қандай талаптар қойылады?» тақырыбындағы презентациялармен танысты. Мектебіміздің түлектеріне кеш қонақтары тілектерін жолдап, «Ең жақсы» ойынымен жалғасып, «Мамандық түрлеріне» дайындаған 11 сынып түлектерінің бейнеролигімен, жүректен шыққан жылы лебіздерімен қорытындыланды.