"Заңсыз аң, балық аулау - табиғатқа қиянат"

qarmaqshy-tany.kz ІІМ-нің Жедел-профилактикалық іс-шаралар және арнайы операциялар өткізудің 2022 жылғы ІV тоқсанына арналған кестесінің 6-тармағына сәйкес браконьерлікті, биологиялық ресурстар объектілерінің заңсыз айналымын анықтау және жолын кесу, экологиялық қылмыстарды ашу мақсатында, ағымдағы жылдың 20 қазан – 19 қараша аралығында аудан көлемінде «Браконьер» жедел профилактикалық іс-шарасы өткізілуде.
Бекітілген аңшылық алқаптарда аң аулауға болатындығын еске саламыз. Аңшының өзімен бірге тиісті жылға мемлекеттік баж төленгенін растайтын куәлігі, аң аулауға рұқсаты, аңшылық шаруашылығы субъектісінің жолдамасы және аңшылық атыс қаруын алып жүру құқығына рұқсаты болуы тиіс. Балық шаруашылығы су айдынында немесе учаскесінде әуесқойлық, спорттық балық аулауды жүзеге асыру кезінде балықшының өзімен бірге жолдамасы, рұқсаты, жеке басын куәландыратын құжаты болуы тиіс.
Мұндай құжаттар тізбесі болмаған жағдайда бұзушылар ҚР ӘҚБтК-нің 382-б, 383-баптары бойынша «Балық аулау және балық ресурстары мен басқа да аң аулау жануарларын қорғау қағидаларын бұзу» бойынша әкімшілік жауапкершілікке тартылады, бұл субъектінің нысанына қарай айыппұл салуға әкеп соғады.
Табиғатқа қиянат жасап, өзен-көлдерде заңсыз балық аулау, басқа да заңсыз браконьерлікпен айналысатындарды анықтауда Қармақшы ауданының полиция бөлімі қызметкерлерімен рейдтік іс-шаралар үздіксіз жүргізіліп келуде.