Нашақорлыққа қарсы күрес

Қармақшы ауданының оқушылар үйінің педагогтарының ұйымдастыруымен "26 маусым - Халықаралық нашақорлыққа қарсы күрес күні" аясында "Спорт - есірткіге қарсы!" тақырыбында №30 орта мектебінің базасында спорттық ойындар өткізілді. Аталған шараға қатысқан оқушылар марапатталып, тәтті балмұздақтар үлестірілді.

Балаларымыздың бойына ұлттық құндылықтарды сіңдіре отырып, еңбектеген баладан, еңкейген қарияға дейін салауатты өмір салтын ұстанатын болсақ, елімізде ұрлық, зорлық, нашақорлыққа бой алдыру секілді қылмысты істер болмас еді. Қоғамға пайдасын тигізер кемелді ұрпақ тәрбиелеу – адамзаттық парызымыз!