Көгалдағы кітапхана

«2022 жыл - Балалар жылы» аясында Ә.Тәжібаев атындағы облыстық әмбебап ғылыми кітапханасы «Жазғы кітап марафоны» атты көгалдағы кітапхана ұйымдастырылды.

Жас оқырмандардың жазғы демалыс уақытын тиімді пайдалана отырып, білімін жетілдіруге үлес қосу, оларды кітап оқу мәдениетіне баулу, оқу және ойын арқылы баланың ой-өрісін дамыту мақсатында өткен көгалдағы кітапханаға «Dimash academ Kids» білім беру орталығының үйірме мүшелері мен №268 мектеп-лицейінің оқушылары қатысты.

Оқушылар «Білгенге маржан», «Мақал сөздің мәйегі», «Сұрақ - жауап» ойындарының барысында өз білімдерін, логикалық ойлау қабілетін жеткізе білді және С.Мұратбековтың «Жусан иісі», Д.Свифттің «Гуливердің саяхаты», Б.Соқпақбаевтың «Менің атым Қожа», М.Қабанбаевтың «Бақбақ басы толған күн», А.Линдгренттің «Балақай және шатырда тұратын Карлсон» сияқты шығармалары туралы өз ойларын ортаға салып, талқылап, оқыған кітаптарынан алған әсерлерімен бөлісті.