"Бар мейіріміміз балаларға"
1 маусым - Халықаралық балаларды қорғау күні. Бұл мереке - балалық шақтың басты мерекесі, жаздың алғашқы күні. Балаларды қорғау күні тек мереке ғана емес, болашаққа бағдар жасайтын маңызды шараның бірі болып есептеледі. Сондықтан жыл сайын республика көлемінде бүлдіршіндерімізді қуанту үшін түрлі шаралар өткізіліп отырады. Осы орайда жылдағы дәстүрді жалғастырып, Қармақшы аудандық тарихи-өлкетану музейінде "Бар мейіріміміз балаларға" тақырыбында экспозициялық залдар бойынша шолу экскурсиялық сабағы өткізілді. Кентіміздің №26, №27, №121 мектеп оқушылары келіп, музей залдарын аралап, көркем сурет залында орналасқан елімізге танымал суретшілердің туындыларын тамашалап, өлке тарихымен танысты.
Адамзаттың алдында тұрған зор міндет - болашақ ұрпақтың бақытты өмірін қалыптастыру. Сондықтан аталмыш мерекеде балаларға ерекше қамқорлық жасау, оларды мейірімге бөлеу кейінгі жылдарыда жүзеге асырылатын болады.
