Заңсыз балық аулаудың зардабы көп

Тіршілік атаулының қайта түлеп, жаңаша кейіпке енетін көктем мезгілі шаруаға да қолайлы кезең. Әсіресе көктемгі егіс даласында жұмыс жанданып, қарбалас қыза түседі. Сонымен қатар табиғаттың тірі байлығын қорғаудың да маңыздылығы арта түсетін шын.

Алайда, тап қазір балықтың уылдырық шашатын кезеңі болғандықтан, бұл мәселеде қырағылық қажет болып тұр. Қармақшы ауданында да бұл мәселе қолға алынып, балық аулаушыларды бақылау жолға қойылғанымен, бәрібір заңбұзушылықтар орын алуда.

Атап айтқанда, аудан көлемінде ағымдағы жылдың 01 - 31 мамыр аралығында өтіп жатқан «Ұылдырық» жедел-профилактикалық іс-шарасы аясында қызмет атқару кезінде 2022 жылдың мамыр айының 23-і күні сағат 15:00 шамасында Қармақшы ауданы, Тұрмағамбет ауылы мен Алдашбай ахун ауылының ішкі тас жолында Жалағаш кентінің тұрғыны 1986 ж.т. «Ф.Ш.» басқаруындағы болған «Газель» автокөлігін тоқтатып тексеру барысында, автокөлік бортында 4 қапқа салынған балық өнімдері анықталып және өзімен бірге тасымалдаушы құжаттарының жоқ болуына байланысты, Қармақшы АПб-не аталған «Газель» маркалы автокөлік жеткізілген.

Тексеру барысында, азамат 1986 ж.т. «Ф.Ш.» 23.05.2022 жылы Қармақшы ауданы, Қуаңдария ауылына қарасты «Генерал» деп аталатын көлінен балық өнімдерін аулап Жалағаш ауданына алып бара жатқаны анықталған. Қазіргі таңда тексеру жұмыстары жүргізілуде.