«Уылдырық – 2020» профилактикалық іс-шарасы
Қармақшы аумағында көктемгі балық ресурстары менбасқа да су жануарларының уылдырық шашу және көбеюі кезеңінде браконьерліктің жолын кесу бойынша көмек көрсету мақсатында жыл сайын профилактикалық іс-шара ұйымдастырылады.
Биыл да Қармақшы Орман шаруашылығы және жануарлар дүниесі аумақтық инспекциясы қызметкерлерімен Сырдария өзенінде 1 сәуір – 31 мамыр аралығында және барлық су айдындарында 20 сәуір – 10 маусым аралығында «Уылдырық-2020» ЖПІШ өткізілуде.
Осыған байланысты аудан көлемінде қылмыстар мен құқық бұзушылықтар орын алған жағдайда аудан тұрғындары 2-11-81, 2-11-89 санды телефонына, және ұялы байланыс арқылы 102 нөміріне хабарласуға немесе аудандық ішкі істер бөліміне келіп, хабар беруіне болады. Хабар берушінің аты-жөні құпия сақталатынын көпшілікке ескертеміз.
Д.АБДИБЕКОВ,
Қармақшы АПб-нің бастығы
