Аудан басшысы сауда нысандарын аралады

Аудан әкімі Әділбек Бөрібайұлы аудан орталығындағы сауда нысандарының жұмысымен танысты. «Таңсықбай», «Бибінұр» базарларына арнайы барып, сауда жасаушылармен ашық пікірлесіп, олардың талап-тілектерін тыңдады. Сондай-ақ, базардың айналасын таза ұстап, санитарлық талаптарды сақтауға шақырды.

Ірі сауда орталықтарындағы халықтың бірінші кезекте тұтынатын азық-түлік бағаларын бағамдады.

Сонымен қатар, «Таңсықбай», «Бибінұр» базарларының меңгерушілерінің қатысуымен жиын өткізіп, базар ғимаратын жаңғырту мәселесін талқылады. Заң шеңберінде мемлекеттік бағдарламалар аясында несиелендіруге қолдау көрсетуге дайын екендігін жеткізді.