Қармақшы ауданының полиция қызметкерлері «Демалыс» жедел-профилактикалық іс-шарасы аясында түнгі рейд жұмыстарын жүргізді.

Рейдте аудандық Жастар ресурстық орталығы қызметкерлеріде қатыстырылып, кент орталығындағы компьютерлік клубтар, ойын-сауық орталығы, дүкендер, орталық алаң және тағы да басқа көңіл-көтеру орындары бойынша аралау жұмыстары жүргізілді.

Аталған іс-шара ағымдағы жылдың наурыз айының 26-30 күндері аралығында жүргізілуде.

Қазіргі таңда балалар көктемгі демалыста болғандықтан жасөспірімдердің қауіпсіздігін қамтамасыз етуде түнгі беймезгіл уақыттары көшеде жүрмеуін қадағалауды ата-аналар назарына саламыз.