Сан ұлтқа саялы мекен болған ІІІ Интернационал Ауылында Наурыз мерекесі болып өтті. Тоқшылық пен береке-бірліктің тойы ауылдық мәдениет үйінде, орталық алаңда және қонақ үйінде ұйымдастырылды. Мерекелік шарада ауылық округ әкімі Н.Сайымов құттықтау сөз сөйлеп, жұртшылықты мерекемен құттықтады. Мереке аясында барлық мекеме қызметкерлері ұмытылып бара жатқан салт-дәстүрлерімізді жаңғырту мақсатында көптеген қойылымдарды халықтың назарына ұсынып, достығымызды паш ететін этнос өкілдерінің қатысуымен әр ұлттардың билерін билеп, «Наурыз көже» таратылды. Сондай-ақ, айтулы күнде ауыл жастарының қатысуымен ұлттық ойын түрлерінен сайыстар өткізіліп, жеңімпаздарға қаржылай сыйлықтар берілді.

Ұлыстың ұлы күнінде "Наурыз мейірімі", "Ардагерлерді ардақтайық" атты акциялар ұйымдастырылып тұрмысы төмен отбасыларына көмектер көрсетілді.