Мәнерлеп оқу байқауы ұйымдастырылды
«Азаттықты аңсаған алаш ардақтылары» атты қазақ тілі мен әдебиеті пәні бірлестігінің апталығында «Алаш арыстары елімнің мақтанышы» атты мәнерлеп оқу байқауы ұйымдастырылды. Мақсаты- оқушыларға қазақ халқының ғасырлар бойы өткен қиыншылықтарын айта келіп, осы зұлмат жылдары елінің азаттығын аңсаған ұлт зиялыларының өмірі мен шығармаларын оқып, өз елін, жерін қорғайтын ұрпақ тәрбиелеу.
Байқауда облыстық, аудандық байқаулардың жеңімпаздары Абдуллаев Арман, Ысқақ Кәусар, Зулхарнаев Азамат қатысушы 5-6 сынып оқушыларына қолдау көрсетіп, Алаш ардақтыларының өлеңдерін оқыды. Байқауда 6 «А» сынып оқушысы Исаева Ақтоты ерекше көзге түсіп, жеңіске жетті. Байқауды қазақ тілі мен әдебиеті пәні мұғалімдері Берікбаева Ақерке мен Байұзақова Ләйлә өткізді.
