Елімізде "Жаңа Қазақстан" депутаттық тобы құрылды
Мәжіліс отырысында Еділ Жаңбыршин президент тапсырмасының орындалуын қадағалайтын "Жаңа Қазақстан" депутаттық тобының құрылғанын мәлімдеді, деп хабарлайды Stan.kz ақпарат агенттігі.
Палатаның пленарлық отырысында депутат Еділ Жаңбыршин қаңтардың басында республикамыздың қиын кезеңді бастап өткергенін айтты.
Ол халықтың бірлігі мен ержүректігі және ел басшылығының арқысында елдегі тұрақтылықты сақтап қала алғанымызды да қосып өтті.
"Президент Қазақстанды жаңартып, елді қажетті бағытқа бұрмақшы. Ал біз мемлекет болып бастаманы қолдауымыз керек. Мұндай өзгерістер алдымен парламенттің қызметінде көрініс тауып, мәжілс қабырғасында басталуы қажет.
Сондықтан біз парламенттің төменгі палатасындағы жұмыс деңгейін көтеру үшін және Президент тапсырмаларының орындалуын қадағалау үшін ресми түрде "Жаңа Қазақстан" депутаттық тобының құрылғанын жариялаймыз", - деді депутат.
Айта кетейік, бұған дейін премьер-министр Әлихан Смайыловтың “Бәйтерек” Ұлттық басқарушы холдингі” АҚ директорлар кеңесінің төрағасы болып сайланғаны туралы хабарлаған едік.
