2021 ЖЫЛҒЫ ПРЕЗИДЕНТ ҚАСЫМ-ЖОМАРТ ТОҚАЕВ ХАЛЫҚҚА ЖОЛДАУЫНДА КІТАПХАНАШЫЛАРДЫҢ АЙЛЫҒЫН 2022 ЖЫЛДЫҢ ҚАҢТАРЫНАН

БАСТАП 20 ПАЙЫЗҒА КӨТЕРУ КЕРЕКТІГІН АЙТҚАН БОЛАТЫН.

Міне, жақында әріптестерім көбейген жалақыларын алып, кітапхана саласына қолдау білдіргені үшін Президентімізге алғыс жаудыруда. Бұл кітапханашылар үшін үлкен әлеуметтік қолдау деп білеміз. Кітапхана – өскелең ұрпақ үшін ғылыми-ақпараттық, интеллектуалдық және білім беру орталығы болды және болып қала береді.

Мемлекет басшысы қаңтарда болған жағдайға байланысты ел тұрғындарына үндеу жасады. Онда «Енді Қазақстанда дамудың жаңа кезеңі басталады. Бұл шынайы жаңару кезеңі болады. Егемен елімізді бірге өркендетейік! Халқымыз үшін Тәуелсіздік бәрінен қымбат! Жаңа Қазақстанды бірге құрайық!» деді. Иә, Президентіміз атап өткендей, еліміздің шынайы жаңару кезеңіне сәтті қадам басуы жолында алдымызға қойылып отырған тапсырмалар мен міндеттерді бүкіл ел болып жұмыла атқаруымыз керек. Бірлігімізді бір арнаға жұмылдырып, жаңарған Қазақстанды құруда бар күш-жігерімізді салайық. Біздің күшіміз – бірлікте, қуатымыз – ынтымақта.

«Кітапхана – әр заманда, әр қоғамда қай халықтың да қасиетті құттыханасы, рухани қазынасы» деп кітапхана саласының қайраткері Н.Дәулетова айтқандай, біздер, кітапханашылар қауымы Мемлекет Басшысының саясатын әрқашан қолдаймыз.