К.Рүстембеков атындағы жыраулар үйіне қарасты "Жиенбай жырау" үйірмесінің ұйымдастыруымен Разақ Мыңжанұлының 100 жылдығына арналған «Жастарға өсиет» тақырыбында танымдық сабақ өткізілді.

Танымдық сабаққа үйірме шәкірттері, Қ.Бүрлібаев атындағы клуб үйінің директоры Т.Бәйменов, әдіскер Қ.Боранбаева, кітапханашы Қ.Далдабаева, ақынның ұрпағы Е.Разақов қатысты.

Кеште ақынның шөбересі Разақова Қарақат «Жастарға өсиет», Оңғарқызы Арай «Апама» атты ақын өлеңін терме мақаммен орындаса, Серікбекқызы Нұрай, Алмабайұлы Мирамбек, Ұлан Қарақат, Мархабатов Ерасыл, Мархабатова Фатима сыр сүлейлері термелерін орындап берді.

Кеш қонақтары Разақов Еркін атасы туралы тағылымды естеліктер айтса, Т.Бәйменов, Қ.Далдабаева ақын шығармаларының маңызына тоқталды. Р.Мыңжанұлының шығармалары жастарға тәрбие беруде маңызды насихат болып санала бермек.