Қармақшы аудандық сотында Қазақстан Республикасының Әкімшілік құқық бұзушылық туралы кодексінің 434-бабының 1-бөлігімен азамат Б.-ға қатысты әкімшілік құқық бұзушылық туралы іс қаралды.

Сотта анықталғандай, азамат Б. Қармақшы ауданының Жосалы станциясында поезд  вагонында алкогольдік масаң күйінде былапыт сөздер айтып, жеке тұлғалардың тыныштығын бұзып, айналасындағыларға сыйламаушылық білдіріп, ұсақ бұзақылық іс-әрекетті жасаған. 

Сот отырысында азамат Б. кінәсін мойындап, әрекетіне өкініп, кешірім сұрайтынын көрсетті.

Сот қаулысымен азамат Б. Әкімшілік құқық бұзушылық туралы кодексінің 434-бабының 1-бөлігімен кінәлі деп танылып, оған 10 210 (он мың екі жүз он) теңге айыппұл салынды.

Қаулы заңды күшіне енбеген.