Әскери бөлімдер мен мекемелерде жаңа оқу жылы жауынгерлік даярлық сабақтарынан басталды. Әскер қатарына жаңа келген сарбаздар алғаш рет жауынгерлік дабыл үнін естіді. Жауынгерлік және жұмылдыру даярлығы бойынша сабақтар хабарландыру жүйесінің сапасын, штабтар жұмысының үйлесімділігін, бөлімшелер мен бөлімдердің тұрақты орналасу пункттерінен шығу жеделдігін тексеруге бағытталған.

2022 оқу жылында Қарулы Күштерді даярлау әскери қызметшілердің барлық санаттарын: офицерлерді, сержанттар мен сарбаздарды қызметтеріне, олардың кәсіби өсуіне қарай міндеттерді орындауға, әскерлердің дайындығын арттыруға негізделген.

Сонымен қатар жедел, жауынгерлік және жұмылдыру даярлықтарының негізгі күші әскери басқару органдарының жауынгерлік жұмысының үйлесімділік деңгейін арттыруға, штабтар арасындағы өзара қарым-қатынастарға, командирлерге бағынысты бөлімдерді басқаруға машықтануға және бөлімшелерді шынайы жауынгерлік жағдайға келтіруге жұмылдырылады.

Жауынгерлік даярлықтың жалпы 80 мыңнан астам шараларын өткізу жоспарлануда. Оның ішінде оқу-жаттығу, іс жүзінде оқ ату, парашютпен секіру, бөлімшелердің далалық жорықтары, кемелердің теңізге шығуы және жауынгерлік көліктерді жүргізу бар.

Алдағы жыл жоспарында Арнайы операциялар күштері құрамаларының кешенді тексеруі, екі кезеңді және екіжақты командалық-штабтық оқу-жаттығулар, «Айбар» жедел-стратегиялық арнайы оқу-жаттығуы, «Бекет» дағдарыстық жағдайларға ден қою жөніндегі кешенді оқу-жаттығуы, сондай-ақ Шығыс өңірінің басқару органдарымен және әскерлерімен жұмылдыру оқу-жаттығуын өткізу көзделген. Бір жыл ішінде меңгерген машықтарын әскерлер даярлықтың соңғы кезеңі «Айбалта-2022» стратегиялық командалық-штабтық оқу-жаттығуында көрсетеді.

Қазақстандық әскери қызметшілер өздерінің кәсіби даярлық деңгейін әлемнің 40-тан астам елінің үздік әскери мамандары қатысатын Армия халықаралық ойындарда да дәлелдейді.

Келесі жылы жалпы әскери құрамалар мен Құрлық әскерлерінің бөлімдері «Мерген батальоны» сайысында жеңіске жету үшін бағын сынамақ. Жарыс бағдарламасына жауынгерлік машиналардың қаруынан, атыс қаруынан оқ ату жаттығуларын орындау және минаатқыш батареялары офицерлерінің кешенді атыс тапсырмаларын шешудегі дағдыларын бағалау кіреді.

Құрамалар мен бөлімдерді кенеттен тексеру тәжірибесі сақталады. Әскерлердің жауынгерлік атысты, оның ішінде түнгі жағдайларда атыс жүргізе отырып, тәжірибелік іс-қимылдарды пысықтау мақсатында қайта топтау және бейтаныс полигондарға жіберу мүмкіндіктері бағаланады.

Жауынгерлік даярлық ерекшеліктерінде қазіргі заманғы қарулы қақтығыстардың тәжірибесін ескеру арқылы әскерлер іс-қимылының жаңа тәсілдерін жетілдіру, мергендерді, ұшқышсыз ұшу аппараттары операторларын даярлауды жетілдіру, әскери қызметшілер мен бөлімшелердің атыс даярлығының элементі ретінде әскери тактикалық атысты одан әрі дамыту бар.