Тәуелсіздіктің 30 жылдығына орай аудандық жастар ресурстық орталығының ұйымдастыруымен "Жастар және Дін" жобасы аясында эссе жазудан байқау өтті.

Оған кенттегі 7 мектептен 10 сынып оқушылары және аудандық аграрлы-техникалық колледжі студенттері қатысты. Байқауға ардагер ұстаз, халықаралық «Қазақ тілі» қоғамдық бірлестігі аудандық филиалының төрайымы Гүлжауһар Раева, «Ұлт бірлігі – Қармақшы» қоғамдық бірлестігінің төрағасы Шегебай Құндақбаев және аудандық «Қармақшы ата» мешітінің наиб имамы Рашид Ефеновтер төрелік етті.

Сайыс қорытындысында жеңімпаздар алғыс хаттармен марапатталып, бағалы сыйлықтарға ие болды.