Тазалықты сақтау және тазалықты жасау – ортақ парыз. Ортақ мүдде үшін бірлесіп жасаған еңбек – адамдарды біріктіретін бірден-бір ықпалды күш.  Сенбілік – ұжым бірлігін нығайта отырып, қоршаған ортаны таза сақтау мәдениетін қалыптастыруға, қаланы, елді мекенді абаттандыруға, көгалдандыруға жұмылдыратын игілікті шаралардың бірі. Міне, осы мақсаттарды бағдарға алған Қармақшы Аудандық емхана ұжымы кеше сенбілікке шықты. Қармақшы аудандық аурухана, емхана ауласы және көрші жатқан көшелерге тазалық жұмыстарын жасады. Аула мен көше тазартылып, қоқыстар өртеліп, тазартылды. Сенбілікке қатысушылар тазалық жұмыстарына белсене қатысып, ортақ мүдде ісіне көтеріңкі көңіл-күймен өзіндік үлестерін ықыластана қосты.