Қан тапсырып – өмір сыйла
Баршаға белгілі адам өз тіршілігінде төтенше табиғат апатынан, оқыс оқиғалардан, бақытсыз жағдайлардан тыс қала алмайды. Оған қоса адам өмірінде су тасқыны, жол-көлік апаты, лаңкестік, ақыр соңында өз денсаулық жағдайына байланысты жедел қан кету, күрделі операция жасату және т.б сияқты оқиғаларда бір тамшы қанның маңызы өте зор.
Сонымен қатар, соңғы уақытта бүкіл әлемде және біздің елімізде де таралып жатқан короновирус індеті барлық жұмыс салаларына кері әсерін тигізуде. Оның ішінде қан қызметі саласына да әсер етуде. Атап айтқанда, медициналық ұйымдардың сұранысын қамтамасыз ету үшін бүгінгі таңда қан донорларының азаюы байқалуда.
Сол себепті аудан көлемінде қыркүйек айында кең көлемді "ҚАН ТАПСЫРЫП - ӨМІР СЫЙЛА" шарасының өткізілетінін хабарлайды. Облыстық қан орталығының мамандары ауданға келіп қызмет көрсетеді.
