«Абайлаңыз-балалар!» іс-шарасы

Бүгінде аудан көлемінде орналасқан 19 мектеп бойынша ондағы білім алушы оқушыларға полиция қызметкерлерімен «Абайлаңыз-балалар!» жедел-профилактикалық іс-шарасы аясында жол қозғалыс ережесін насихаттау жұмыстары толығымен жүргізіліп келеді. Аталған шараның басты мақсаты – жол қозғалысы қауіпсіздігін қамтамасыз ету, жол апаттарының алдын алу, жасөспірімдер жарақатын азайту болып табылады.

Осы бағытта Жосалы кенті орталығындағы №26, 27 және Иіркөл ауылдық округтегі орта мектеп бүлдіршіндеріне де жол ережесі жайлы түсіндірме жұмыстарын жасап, жаяу жүргіншінің жолақтарынан өткізу жұмыстары жүргізілді.

Балаларға жол қауіпсіздігін үйрету мәселесі назардан тыс қалмауы тиіс және жол ережесін ерте жастан үйреткен дұрыс. Сондықтан Қармақшы ауданының Полиция қызметкерлерімен бұл бағыттағы жұмыстар одан әрі жүргізіле беретін болады.