Медиация тәртібімен отбасы сақталып қалды

Қармақшы  аудандық сотында талап қоюшы З.-ның жауапкер Е.-мен араларындағы заңды некені бұзу туралы азаматтық ісі қаралды.
Талап қоюшы өз талап қою арызында жауапкермен заңды некеде тұрғандарын, жанұядағы келіспеушілікке байланысты бірге тұру мүмкін емес екенін мәлімдеп, соттан арадағы некелерін бұзуды сұрады.
Татуластырушы судья тараптарды бітімге шақырып, отбасылық құндылықтардың маңыздылығы жөнінде түсіндірме жұмыстарын жүргізді.
Нәтижесінде тараптар өзара келісім жасасып, азаматтық істі өздерінің қатысуынсыз қарау туралы өтінішпен жүгініп, медиациялық келісімді бекітуді сұрады.
Сот ұйғарымымен азаматтық іс бойынша тараптардың арасында жасалған медиациялық келісім бекітіліп, іс бойынша іс жүргізу тоқтатылды.