Шектеу шаралары түсіндірілді

Қазіргі таңда ауданымызда коронавирус инфекциясы бойынша жағдай тұрақсыз болып отыр.

Осыған байланысты Жосалы кенті әкімінің орынбасары А.Досмуратов, аудандық ішкі саясат бөлімі, аудандық полиция бөлімінің қызметкерлерімен бірге кәсіпкерлік нысандарды, базарды, тамақтандыру орындарын, такси тұрағын аралап, кәсіпкерлерге, тұрғындарға 2021 жылдың 22 сәуірі күні күшіне енген Қызылорда облысының Бас мемлекеттік санитариялық дәрігерінің қаулысымен қабылданған шектеу шараларын түсіндірді.

Тұрғындарды шектеу шараларына аса мән беріп, санитарлық талаптарды қатаң сақтауға шақырды.