Жол-көлік оқиғаларының алдын алу тек құзырлы органдардың жұмысы емес. Бұл бүкіл ел болып атсалысатын, қоғам болып ойланатын іс.

Қармақшы ауданы әкімдігінің бастамасымен жол-көлік оқиғаларының алдын алу бағытында аудан көлемінде бірқатар жұмыстар жүзеге асуда. Оның ішінде бейнекамералар, жол белгілерін қайта сызу және жаңадан бағдаршамдар орнату жұмыстары атқарылуда.

Өздеріңізге белгілі аудан көлемінен «Батыс-Еуропа- Батыс Қытай» автодәлізі өтеді. Осы ретте жол-көлік оқиғаларының алдын алу жұмыстары аясында ауылдық елді мекендердегі үй жануарлары ірі қара малдарына түнгі мезгілдегі жарық белгілерін тағу жұмыстары жүргізілуде.

Тұрғындар тарапынан ірі қара малдарына жарықты алыстан көрсететін рефлектірлі заттарды тағу арқылы жарықты шағылыстырып, жүргізушілер малды қашықтықтан көруге мүмкіндік береді.

Жалпы ауыл болсын, қала болсын, жүргізушілердің автокөлік тізгіндегеннен кейін, жол бойында мұқият болғаны абзал. «Сақтансаң – сақтаймын» деген сөз бекерге айтылмаса керек.