Қарты бардың жұрты бар
«Ардагерлерді ардақтайық» партиялық жобасы аясында «Nur Otan» партиясы аудандық филиалы төрағасының бірінші орынбасары, фракция жетекшісі Дастан Буханов, аудандық мәслихат депутаты Айдынбек Скендиров Жосалы кентінде тұратын жалғыз басты қарттар мен мүмкіндігі шектеулі азаматтардың үйлеріне барып, тұрмыстық жағдайларымен танысты. Аралау барысында ардагерлеріміздің денсаулығына бақылау жасалып, аудандық емхана қызметкері тарапынан тиісті медициналық емдік шаралары көрсетілді. Қарттардың ұсыныс-тілектері тындалды.
Жоба аясында мұндай шаралар күн тәртібінен түспей жалғасын табатын болады.
