Тәуелсіздік – патриоттық рухымен асқақ
Қармақшы аудандық орталық кітапхананың ұйымдастыруымен кітапхананың "COWORKING" орталығында кітапханашылардың қатысуымен Қазақстан Республикасының Президенті Қ.Тоқаевтың мақаласы бойынша «Тәуелсіздік - патриоттық рухымен асқақ» тақырыбында конференция өткізілді.
Конференцияда мақала бойынша орталық кітапхананың директоры К.Қаниева, әдістеме-библиография бөлімінің меңгерушісі Г.Жанадилова, библиограф Н.Жүсіпбекова, кітапханашы Ж.Оразалиева баяндама жасады.
Мемлекет басшысының пайымдауынша адам баласы дүниеге патриот болып келмейді. Ол білім мен тәрбие алып, әлеуметтік ортамен араласып, азаматтық болмысын қалыптастыру кезінде патриотқа айналады. Өзінің жеке мақсат-мүдделері қоғам игілігімен үндесін, елінің дамуына елеулі үлес қосып жатқанын жан жүрегімен сезінген адам нағыз бақытқа кенеледі.
Патриот - ұлтын сүйетін өз тарихын, туған тілін құрметтейтін, ұрпақтан-ұрпаққа жалғасқан салт-дәстүрін дәріптейтін ұлттық қадір-қасиетімізді арттыруға үлес қосатын саналы тұлға.
Конференцияның мақсаты - өз Отанына шексіз берілген, патриоттық рухы жоғары, қайсар аға-апаларымыздың ерлігін жастарға үлгі ету.
