Қазақстанда 2 мың әскери адам коронавирус жұқтырды

Пандемия басталғаннан бері Қазақстанда екі мыңнан астам әскери қызметкер коронавирусты жұқтырды. Бұл туралы қорғаныс министрі Нұрлан Ермекбаев мәлімдеді, деп хабарлайды Stan.kz ақпарат агенттігі.



"Армия қоғамның бір бөлігі болғандықтан, коронавирус еліміздің қарулы күштерін аяған жоқ. Пандемия басталғаннан бері екі мыңнан астам әскер инфекция жұқтырды. Олардың 100-ге жуығы қазір емделуде, қалғандары сауығып кетті. Өкінішке орай, бірнеше адам көз жұмды", - деді Нұрлан Ермекбаев ОКҚ онлайн брифингінде.
Коронавирустан елімізде 10 әскери адам көз жұмған.
"Оның бесеуі әскери қызметкерлер, бесеуі мемлекеттік қызметкерлер. Олардың бесеуі коронавирустық инфекциядан, бесеуі өкпе қабынуынан. Егер Қарулы Күштердегі жағдайлардың жалпы саны 2200 болса, әскерге шақырылушылардың саны бірнеше жүзге жуықтайды. Олардың 80 пайызы симптомсыз, 20 пайызында белгілер байқалған", - деп қосты ол.