Бүгін аудан орталығындағы мәдениет үйінде «Nur Otan» партиясының кезектен тыс ХХІХ конференциясы өтті. Оны партия төрағасы, аудан әкімі Мұса Қалдарбеков ашып жүргізді.

Конференцияға «Nur Otan» партиясы аудандық партия филиалына қарасты 26 бастауыш партия ұйымдарынан сайланған 69 делегат қатысты. Партия төрағасы конференцияның күн тәртібіне төрт мәселе ұсынып, делегаттар ашық дауыс беруі арқылы бекітті.

Күн тәртібіндегі екінші мәселе бойынша облыстық кандидаттарға дауыс беру үшін дебат өткізіліп, аудандағы он екі кандидаттың сайлауалды бағдарламасы тыңдалды. Дебаттың тәртібі бойынша әр сайлаушыға 3 минуттан уақыт берілді. Пікір-талас біткен соң карантин талаптарын сақтай отырып, делегаттар дауыс беру кабиналарына барып электронды түрде ашық дауыс берді. Кандидаттарға берілген дауыс LED экран арқылы тікелей көрсетілді. Жиын соңында күн тәртібіндегі қаулылар қабылданды.