Қиын сәтте қолдау көрсетуде
Бүгінгідей сын сағатта жомарт жүректі азаматтар қолдан келгенін аянып қалмауда. Жақсылық пен ізгіліктің нұрын себелеушілердің арқасында, дер кезінде қажетті заттардың қамтамасыз етілуі көптеген жанның аурудан айығып, аяққа тұрып кетуіне сеп болуда. Осындай қиын сәтте "ТҰРМАҒАМБЕТ" ЖШС төрағасы Нұржан Пірмантаев ауыл халқына ірі қара сойып, әлеуметтік тұрмысы төмен отбасыларға таратты. Тұрмағамбет дәрігерлік амбулаториясына - 1 миллион теңгеге дәрі-дәрмек, 1500 дана бетперде алып берді. Қармақшы аудандық ауруханасының медицина қызметкерлерін 200 мың теңгеге қорғаныш заттарымен қамтамасыз еткен. Мұндай қамқорлыққа тұрғындар мен аурухана басшылығының алғысы шексіз.
