Береке басы – бірлікте
Мемлекет басшысы Қасым-Жомарт Кемелұлы өз мәлімдемесінде төтенше жағдай режимін 11 мамырға дейн ұзартқанын айтты. Бұл шешімді елде вирус жұқтырғандардың әлі де болса азаймай тұрғанына алаңдауы деп білемін. Қазір халық үйде отырып шаршады. Жұмыссыз қалған азамат қаншама. Оны да ойлаған президент 42500 теңге көлемінде көмек көрсетті. Қазіргідей күрделі кезеңде мемелекет ешкімді қиындықта қалдырмаудың қамын істеуде. Азық-түлік тапшылығын болдырмау мақсатында тауарлар бағасын бақылауда ұстап отыр. Осындай жағдайларды ескере отырып, біз де қолдау көрсетуіміз керек. Карантин уақытында үйде отырғандарды сабырға шақырып, көбі кетіп, азы қалғанын айтқым келеді. Сонымен қатар, Президент өзгелердің қауіпсіздігі үшін күн-түн демей қызметте жүрген дәрігер, полиция, волонтерлердің жігерлі еңбегіне алғысын айтты. Халықтың қамы үшін жасалып жатқан игі қадамдар көп ұзамай нәтижесін беретініне мен де сенім білдіремін.
Үрзахия МАХАМБЕТОВА,
«Ұрпақтан-ұрпаққа» қоғамдық бірлестігінің төрайымы
