Қармақшы аудандық тауарлар мен көрсетілетін қызметтердің сапасы мен қауіпсіздігін бақылау басқармасы және аудандық емхананың «Ауданда этиологиясы белгісіз пневмония (коронавирус) індетіне қарсы және профилактикалық шараларды күшейту» туралы біріккен бұйрығына сәйкес медицина саласының мамандары арасында семинар өткізілді. Аталмыш шара барысында ҚХР елінен бастау алған коронавирус ауруының алдын алу мен таралуын болдырмау бойынша аудан көлемінде атқырылып жатқан шаралар талқыланды, күдікті жағдай анықталған кездегі әрекет ету алгортимі түсіндіріліп , медициналық стационарлардың дайындығы пысықталды.

Кез келген уақытта ауру белгілерінен күмән тудырған жағдайда әр адам жергілікті дәрігерге жүгінуі тиіс екендігі ескертілді. Сонымен бірге вирустың өршу қаупі туындаған жағдайда алғашқы медициналық көмектің бағытын ұйымдастыру тетігі сараланды.