Неке бұзу туралы іс медиация тәртібімен тоқтатылды

Қармақшы аудандық сотымен ашық сот мәжілісінде талап қоюшы В.-ның жауапкер Р.-ға қойған неке бұзу туралы азаматтық  ісі қаралды.
Талап қоюшы В., өзінің талап арызында, жауапкер Р.-мен заңды некеде тұрғанын, алайда, жауапкермен мінездері жараспағандықтан, отбасын сақтауға мүмкіншілік жоқтығын айтып, көрсеткен.
Соттың 14.06.2019 жылғы ұйғарымымен ерлі-зайыптыларды татуластыру мақсатында және ортақ кәмелетке толмаған балалардың мүддесін ескеріп 6 ай татуласу мерзімі тағайындалған. 
Тараптар медиация тәртібімен реттелген келісімін бекіту туралы талап-тілек қойып, медиативтік келісімнің талаптары бойынша талап қоюшы В. мен жауапкер Р. сотпен белгіленген мерзімге дейін бір-бірімен татуласып, бір отбасы болып тұрып жатқандары анықталы.
Сот ұйғарымымен іс жүргізу тоқтатылды.
Сот ұйғарымы заңды күшіне енген жоқ. 
 

Қармақшы аудандық сотының баспасөз қызметі