Кеңес дәуіріндегі қазақ арулары: 50 жыл бұрын ел аузында жүрген сұлулар (фото)
Осыдан жарты ғасыр бұрын Қазақстанда "Гүлдер" жастар-эстрадалық ансамблі пайда болды. Дарынды, өнерлі жастар бірден халықтың ыстық ықыласына бөленіп, ансамбль құрамындағы аруларға әрбір қазақ қызы еліктейтін, олардың биі әр халықтың болмысын аша түсетін.
70 жылдары КСРО-да эстрада музыкасы кең қанат жая бастады. Бұған "Битлз" (The Beatles) тобының шығармашылығы ықпал етті деген пайымдау бар.
Қалай болғанда да, осы өнер бағытына деген қызығушылық Қазақстанда да пайда болып, вокалдық-аспаптық ансамбльдер, әртүрлі музыка және би топтары құрылды.
Сөйтіп, 1968 жылы Алматыда республикалық эстрадалық-жастар ансамблі құрылды, ал 1969 жылы ұжым "Гүлдер" қазақ жастар-эстардалық ансамблі деген атауға ие болды.
Бүкіл одаққа әйгілі болған "Гүлдер" елдің бетке ұстар ансамблі ретінде шетелге шығып, концерт беретін.
