Қазақстанның туристік әлеуеті жыл сайын артып келеді. Қазіргі таңда шетелдік қонақтар үшін демалыстың сан алуан түрі бар. Экотуризмнен бастап танымдық экскурсияларға дейін. Бүгінде елімізде табиғи қорықтар мен ұлттық парктер жұмыс істейді. Сондай-ақ қазақ халқының өткенінен сыр шертетін 9 мыңға жуық археологиялық нысан мен тарихи ескерткіш бар. Айта кетейік, былтыр Қазақстанға 6 миллионнан астам турист келген. Сонымен қатар ішкі туризмде де өсім байқалады. Бір жылда ел аумағында саяхаттаған азаматтардың саны 25 пайызға өскен.