Мексикада әлемдегі алып жанартаулардың бірі оянды
Мексикада Попокатепетль атты әлемдегі ең алып жанартаулардың бірі оянды, деп хабарлайды «Хабар 24».
Жойқын жарылыс жергілікті уақытпен 22:41-де тіркелді. Салдарынан от, газ, түтін аралас лава аспанға атқылаған.
Айта кетейік, бұл жанартау ел астанасы Мехикодан 50 шақырымдай жерде орналасқан. Соған қарамастан жергілікті билік 20 миллион тұрғыны бар шаһарға ешқандай қауіп төніп тұрған жоқ дейді. Мамандар жанартау белсенділігіне қатысты зерттеуді бастап кетті.
