Гавайдағы Килауэа жанартауы атқылауын тоқтатар емес

Гавайдағы Килауэа жанартауының атқылауынан арал аумағы 2 шаршы шақырымға кеңейді.
Бұл туралы АҚШ-тың геологиялық қызметі хабарлады. Айта кетейік, аралдағы жанартаудың атқылап жатқанына 2 айдай болды. Мамандардың айтуынша, жанартаудан шыққан ыстық жел магманы көкке шаша бастаған. Дерек бойынша, лава 800 гектарға дейін жайылған. Салдарынан ғимараттар қирап, мыңдаған адам үйін тастап кетуге мәжбүр болды. Килауэа жаһандағы ең белсенді жанартаулардың қатарына кіреді. Оның биіктігі – 1 мың 247 метр.