Өзбекстанда темекі мен алкаголь өнімдеріне шектеу қойылуы мүмкін
Өзбекстанда алдағы уақытта темекі мен алкаголь өнімдеріне шектеу қойылуы мүмкін, деп хабарлайды
Есесіне, спорттық кешендер көбейіп, арнайы денсаулық күні белгіленбек. Тіпті мемлекеттік органдар мен ұйым қызметкерлері аптасына бір күн жаттығу жасайды. Бұл туралы салауатты өмір салтын қалыптастыру жөніндегі арнайы қарарда айтылған. 2019-2022 жылдарға арналған бағдарлама инфекциялық емес аурулардың алдын алып, халық арасында дене шынықтыру белсенділігін арттыруға бағытталған. Өзбекстанда жалпы екі жылда 90-нан астам заң мен 2 мыңға жуық қаулы-қарар қабылданыпты. «Соның ішіндегі тікелей ұлт саулығына бағытталған маңызды құжат осы болды», - дейді 70-ті алқымдаған Өзбекстанның құрметті журналисі Сафар Останов.
Сафар Останов, Өзбекстанның құрметті журналисі:
- Ұлт денсаулығын арттыру жөніндегі қарар меніңше осы күнге дейін қабылданған құжаттардың ең маңыздысы болды, деп ойлаймын. Неліктен. Өйткені экономика, халықтың әлеуметтік ақуалы, тұрмыс жағдайы, құрылыс жалпы қай сала болмасын барлығы өздігінен болмайды. Дегенмен бұның барлығы да керек. Алайда осылардың ішіндегі ең маңыздысы жұрттың денсаулығы.
