Бостонда Рубиктің кубигін жылдам құрастыру бойынша әлем чемпионаты өтті
АҚШ-тың Бостон қаласында Рубиктің кубигін жылдам құрастыру бойынша әлем чемпионаты ұйымдастырылды.Сайыс қорытындысы бойынша төрт түрлі дәрежедегі жеңімпаздар анықталды.
Жалпы халықаралық додаға іріктеу жарты жыл бойы 15 елде өткізілген. Жеңімпаздар төрт түрлі аталымда марапатталды. Атап айтқанда, Рубиктің кубигін шапшаң жинау, бір ғана қолмен жинау, берілген қалыпқа қайта келтіру және әйелдер арасындағы ең шапшаң құрастыру. Еске сала кетсек, әйгілі кубик-рубик ойыншығын 1974 жылы венгриялық архитектор, профессор Ерно Рубик ойлап тапқан. Содан бері әлемде 350 миллион кубик-рубик сатылған.
Феликс Земдекс, шапшаң жинаудан жеңімпаз:
– Өткен жылдармен салыстырғанда, бұл жерде шапшаң жинайтындардың саны аз болды. Дегенмен жарысқа қатысушылардың дайындығы мықты екен. Сондықтан жеңімпаз атанғаныма қуаныштымын.
24.kz
