Әлемдегі ең қарт әжей ұзақ өмір сүрудің құпиясымен бөлісті

Joinfo 1900 жылы туған боливиялық әжей өзінің қызығушылылықтары мен жаман әдеттері туралы айтты.

Боливияда 1900 жылы дүниеге келген планетадағы ең қарт әжей тұрады. Ол биыл күзде 118 жасқа толады. Бұл туралы Lenta.ru хабарлайды.

Джулия Флорес Колк 1900 жылы 26 қазанда Сакаба қаласында кечуа үндістерінің отбасында дүниеге келген. Ол өмір бойы Боливияның Потоси департаментінің таулы аймағында мал шаруашылығымен және көкөніс өсірумен айналысқан Екі бірдей дүниежүзілік соғыстың және көптеген революциялардың куәгері болған әйел ешқашан тұрмыста болмаған. Оның балалары жоқ. Қазіргі уақытта оңан аға-іні, апа-сіңлілерінің немерелері қарап жатыр.

Боливиялық әжей өзінің туған кечуа тілінде сөйлеп, оңтүстікамерикалық үндістердің байырғы чаранго музыкалық аспабында ойнағанды ұнатады. Кей кездері Джулия өзі пісірген тәттілерді жегенді ұнататын көрінеді.

Айта кеткен жөн, ол өзінің ұзақ өмір сүруінің құпиясы табиғи және жоғары сапалы тағамдарды тұтынатындығынан дейді. Оның ас мәзірінде әрқашан көкөністер, күріш, кеспе және ет бар. Алайда ол анда-санда кола ішіп тұратынын да жасырмады.

Бұл жерде Джулияның құпиясы тек тамақтануда емес, оның әрқашан көңілді жүруінде деп ойлаймыз. Оның 117 жасқа толғандағы видеосюжетті қарасаңыз, осындай егде жаста болса да, көтеріңкі көңіл-күйде шат-шадыман болып отырғанын көресіз.