Тәжікстанда жер сілкінді
Бүгін Тәжікстанда магнитудасы 4,7 болатын жер сілкінісі тіркелді. Бұл туралы Қазақстанның Ұлттық деректер орталығы хабарлады, деп жазады Egemen.kz.
Дүмпулер Астана уақытымен сағат 10:46-да байқалған. Жер сілкінісінің ошағы Тәжікстан аумағында, 190 шақырым тереңдікте орналасты. Оның координаттары: солтүстік ендіктің 37,90 градусы және шығыс бойлықтың 71,93 градусы. Әзірге жер сілкінісінің салдары туралы ақпарат жоқ.
Еске салайық, екі апта бұрын Каспий теңізінде, Гала станциясынан солтүстік-шығысқа қарай 20 шақырым жерде магнитудасы 3,1 болатын жер сілкінісі тіркелді.
