Сегіз жастағы бүлдіршін шетелде үш жүлде жеңіп алды
Астана қаласы әкімдігінің хабарлауынша, турнирге Қазақстан, Қытай, Өзбекстан, Филиппин, Малайзия мен басқа да елдердің гимнастшылары қатысты. Қазақстан намысын жарыста 9 спортшы қорғады.
«Әлем Академиясының» тәрбиеленушісі, 8 жастағы Медина Есенбек жарыста үш медаль жеңіп алды. Ол шығыршықпен жаттығуда алтын, ал құралсыз жаттығу мен көпсайыста екі күміс медаль иеленді.
Кішкене қыз кілемге қазақы ою-өрнекпен көмкерілген костюм киіп шығып, қазақ музыкасының сүйемелдеуімен айдында билеп шықты.
Бұл турнир бүлдіршін қыз үшін бұл турнир тек спорттық жетістікпен шектелмей, Қазақстанды халықаралық аренада лайықты танытуға берілген үлкен мүмкіндік болды.
Жақында гимнастшы қыздардың бірі Ақмарал Ерекешева Германияның Франкфурт-на-Майне қаласында көркем гимнастикадан өткен әлем чемпионатында өнер көрсетіп, жалпыесепте алтыншы орын алған еді.
Бұған дейін ол Францияның Тье қаласында көркем гимнастикадан өткен халықаралық Гран-при турнирінде қола жүлдені жеңіп алған болатын.
